hmmm heimsendir...

efitt mál, en ég dáist að dönsku prestunum og biskupnum að taka svo afgerandi til orða, þeir eru ekkert að veigra sér við þessu erfiða máli. Ég skal ekki segja, þessi jörð þolir eflaust ýmislegt eins og hún hefur gert í milljónir ára(hún er víst 4.567 billjón ára). Ef loftslagsbreytingarnar eru okkur mönnum að kenna þá get ég ekki séð að við eigum skilið að búa hér meir...

Biblían segir svo frá: 

1. Mósebók 2:15
Þá tók Drottinn Guð manninn og setti hann í aldingarðinn Eden til að yrkja hann og gæta hans.

1. Mósebók 3:23
Þá lét Drottinn Guð hann í burt fara úr aldingarðinum Eden til að yrkja jörðina, sem hann var tekinn af.

Líklegast höfum við klikkað á því að yrkja jörðina líkt og við klikkuðum í Eden þannig að ...

Eins hafa orð Jesú um endinn verið talin uppfyllt nú þegar nánast allir jarðarbúar þekkja Biblíuna á einhvern hátt:

Matteusarguðspjall 24:14
Og þetta fagnaðarerindi um ríkið verður prédikað um alla heimsbyggðina öllum þjóðum til vitnisburðar. Og þá mun endirinn koma.

 

 Síðasti dómur, e. Michaelangelo.

 

Danskir prestar sjá merki þess að heimsendir sé í nánd

Athugasemdir

[halkatla, 19.1.2007 kl. 12:01]

áhugaverð færsla. samkvæmt dulfræðum gyðinga þá var fyrsta skipun Guðs til mannsins að hugsavel um jörðina og að skemma alls ekki neitt, þessvegna er umhverfisvernd virkur hluti af gyðingdómi, og ég held að umhverfisverndarhugsunin sé líka innbyggð í Islam. Síðustu áratugina og lengur hafa margir kristnir menn verið  uppteknastir af þeim orðum Biblíunnar þarsem Guð segist hafa gefið þeim jörðina og gefið þeim dýrin, einsog það gefi þeim samasem merki til þess að skemma það allt.

[Ólafur fannberg, 19.1.2007 kl. 12:55]

sammála Rebekku

[Hjalti Rúnar Ómarsson, 19.1.2007 kl. 13:54]

Það er reyndar vafasamt að segja að þessi orð Jesú séu uppfyllt, þar sem hann segir þegar p -> q, þar sem p er að fagnaðarerindið sé predikað um allan heim og q sé heimsendir. 

Ef p hefur þegar átt sér stað en ekki q, þannig að þessi spádómur hafi einmitt ekki gengið upp.

Eina leiðin til þess að bjarga því væri að segja að Jesús hafi eingöngu ætlað að segja að q myndi gerast einhvern tímann eftir p, en það eru tveir gallar við það:

1. Jesús virðist vera að segja að heimsendir muni koma einmitt þegar fagnaðarerindið hefur verið boðað um allan heiminn.
2. Ef það er rétt, þá er ekki hægt að afsanna hann, því þá eru engin tímamörk.

En auðvitað skiptir þetta ekki máli þar sem það sést víða í guðspjöllunum að Jesús var falsspámaður.

[Sylvía , 19.1.2007 kl. 19:52]

ert þú að segja að Jesú hafi verið falsspámaður?

[Hjalti Rúnar Ómarsson, 19.1.2007 kl. 20:17]

Já.

Ég er að tala um þau dæmi þar sem Jesús spáir því að heimsendir muni koma á tímum samtímamanna hans, t.d. Mk 13:30

"Sannlega segi ég yður: Þessi kynslóð mun ekki líða undir lok, uns allt þetta er komið fram."

Ef maður les kaflann  sér maður að "allt þetta" gerðist augljóslega ekki á tíma þessarar kynslóðar.

Þar af leiðandi var Jesús falsspámaður.

[Sylvía , 19.1.2007 kl. 20:19]

þú ert sem sagt bókstafstrúarmaður?

[Hjalti Rúnar Ómarsson, 19.1.2007 kl. 20:30]

Nei, af hverju heldurðu það?

[amteus (IP-tala skráð) 19.1.2007 kl. 22:02]

Ekkert nema athyglissjúkir prestar sem eru að fatta það betur með degi hverjum að trúin þeirra er tómur uppspuni og þvæla, reyna að nota hana til að hræða því að það er eina úr þessari blessaðri biblíu sem hægt er að nota.

[Jón Steinar Ragnarsson, 21.1.2007 kl. 07:34]

Endirinn, sem Kristur talar um er ekki nauðsynlega eyðing jarðar og mannlífs. Raunar er ekkert í orðum hanns annarstaðar, sem bendir til þess. Bölvun mannsins var að í Eden fékk hann frjálsan vilja, þ.e. að geta talið sig vita betur en Guð um hvað væri honum hollt.  En Kristur sagði þann tíma koma (endurkomuna) að maðurinn sameinaðist Guði á ný og friður yrði á jörðu. Það er endirinn. Endir harmagöngu mannsins í eigin hyggjuviti. Hvernig því verður komið í kring er mér hulin ráðgáta.

Mayar reiknuðu hins vegar út að endalok heimsins yrðu síðla árs 2012 en það hefur með stjörnufræðilega útreikninga þeirra að gera, sem voru ótrúlega nákvæmir. Sá endir ber heldur ekki í sér gjöreyðingu, heldur nýja lífsýn...upprisu andans...friður meðal manna og sátt við náttúruna. Ég get varla beðið eftir að sjá það.

Aðventistar, vottar og evangelistar hafa í aldir reiknað út heimsendinn og endurkomu frelsarans, en hingað til hafa forsendur þeirra greinilega verið rangar eða illa fengnar.  Spádómar þessir skipta hundruðum en til blessunarlegrar lukku er maðurinn skeikull.  Í opinberunarbókinni er sagt að endirinn komi eins og þjófur að nóttu og þegar manninn síst grunar.  Sé það rétt,  þá eru þessar vangaveltur einskis nýtar og í raun huggun í að menn skuli vera að búast við endinum, því þá kemur hann ekki samkvæmt orðinu. 

[Hjalti Rúnar Ómarsson, 22.1.2007 kl. 00:18]

Í kaflanum segir Jesús:

"Stjörnurnar munu hrapa af himni og kraftar himnanna bifast. Þá munu menn sjá Mannssoninn koma í skýjum með miklum mætti og dýrð. Og hann mun senda út englana og safna sínum útvöldu úr áttunum fjórum, frá skautum jarðar til himinskauta." (Mk 13:25-27)

Þarna er augljóslega verið að ala um heimsendi. Annars er meira um heimsendi í orðræðu Jesú í t.d. Mt 13 og 25.