SM

19.5.2008 | 01:40

endurfundir týndra sálna Atlantis

Atlantis_sm hér í Wilmington..

Var í innflutningspartýi hjá Alison í kvöld þar sem ég átti áhugavert samtal við nálastungufræðing, sjúkraflutningsmann og kennara, en þau voru að tala um Wilmington(bæinn sem ég bý í) og að hingað streymdu andlega þenkjandi fólk, sem væri svoldið merkilegt þar sem þetta er suðurríkjabær, nokkuð sem er andstaðan við allt sem er frjálslegt(nema holdafar). Allavega vildu þau meina að kenningar um að hingað kæmu nú gamlar sálir Atlantis, sem á að hafa verið rétt hér fyrir utan ströndina, væru ekki svo vitlausar. Eins að þar eð Wilmington ætti svo ofbeldisfulla sögu að baki, mikill rasisimi og ofbeldi tengt því, þá væri nú tími til að jafna það út með öllu þessu andlega þenkjandi fólki. Woundering Þau sögðu að flestir kæmu hingað í dag af einhverjum furðulegum orsökum, eða einsog bærinn veldi þau(það á við í mínu tilfelli).

Ég skal ekki segja, þetta er kannski of mikið í ætt við efni síðustu bloggfærslu Smile , en það er áhugavert að þessi suðurrikjabær sé að breytast og hann hefur uppá margt að bjóða. Mér finnst þetta frekar skrítin bær, hægt að fara nánast milli heima hér; rednecks og svo jóga-fólk og lítið þar á milli.