Nei takk

Ekkert bóluefni fyrir mig takk, líkurnar á dauða eru um 0,01%, sem er áhætta sem ég er tilbúin að taka. 

Íslendingar öruggir um bóluefni

Athugasemdir

[Jón Arnar, 27.8.2020 kl. 00:35]

sparar okkur hin pening takk

[Sylvía , 27.8.2020 kl. 08:12]

einmitt, sparar líka mögulegan skaða sem ég gæti orðið fyrir og málsókn á ríkið þar að lútandi. Þannig að gott mál. 

[Vagn (IP-tala skráð) 27.8.2020 kl. 10:01]

Darwin segir okkur að vinni við í því happadrætti og þú verðir í þessum 0,01 hópi verði það enginn missir. Og þú gætir hlotið hin Íslensku Darwin verðlaun. Það er því ekki hægt að gera annað en að hvetja þig áfram.

[Sylvía , 27.8.2020 kl. 10:07]

Af hverju ertu svona andstyggilegur? Hefurðu engin rök?þarf bara beint í manninn? Hvað heitir þú?

[Vagn (IP-tala skráð) 27.8.2020 kl. 12:39]

Hlutfall alvarlegra aukaverkana vegna bólusetninga eru einn á móti milljón. Hlutfall dauða af völdum covid í þínum heilsu og aldursflokki eru einn á móti tíu þúsund. En þú ætlar þér að vera frekar í hópi þar sem einn af tíu þúsund drepst frekar en að vera í hópi þar sem einn af milljón verður fyrir alvarlegum aukaverkunum. Það er val sem gleður alla Darwinista og hækkar gáfnavísitölu á ofsetinni jörðinni. Þess vegna eiga mótorhjólahjálmar, öryggisbelti og bólusetningar að vera valkvæðar.

Beint í manninn? Það sem þú sagðir kom frá þér en ekki brauðristinni. Ef barnið þitt segist ætla að bora gat á hausinn á sér þá ávítar þú ekki borvélina. Þú færir beint í manninn.

[Sylvía , 27.8.2020 kl. 12:49]

Ef þetta er svona augljóst afhverju ertu þá nafnlaus? 

[Tómas Ibsen Halldórsson, 27.8.2020 kl. 13:13]

Á ári hverju deyja um 350000 plús/mínus úr flensu, það er um 0,05% af heildaríbúafjölda jarðarinnar. Af hverju verður ekki uppi fótur og fit þegar flensa stingur sér niður? af hverju er ekki öllu lokað, allir gangi um með grímur o.s.fr.? Ég hef ekki orðið var við það að þegar slæm kvefpest geisar að slíkar aðgerðir sem þær sem nú er gripið til séu viðhafðar.

[Vagn (IP-tala skráð) 27.8.2020 kl. 14:51]

Ég get flett upp á kennitölu, heimilisfangi, símanúmeri, fjölskyldu og fleiru um þig og þína. Ég vil ekki að þú, eða aðrir mis óheiðarlegir, ruglaðir eða ofbeldisfullir, geti það um mig. Oft er jafnvel hægt að finna fólkið á facebook og sjá hvort það sé heima eða á ferðalagi, hverjir eru vinirnir, skóla barnanna og jafnvel hvaða banka þeir sem blaðra öllu skipta við. Nafnleysi á netinu er grundvallar öryggisatriði, eins og öryggisbelti og reykskynjari.

Á ári hverju deyja um 350000 plús/mínus úr flensu, það er um 0,05% af heildaríbúafjölda jarðarinnar. í dag hafa um 822000 dáið úr covid þrátt fyrir miklar varnir, það er um 0,11% af heildaríbúafjölda jarðarinnar, og árið langt frá því að vera liðið. 

[Tómas Ibsen Halldórsson, 27.8.2020 kl. 16:24]

Ég hef áreiðanlegar heimildir um að dánartala af völdum covid eru stórlega íktar þar sem venjuleg dauðsföll af völdum annarra sjúkdóma meira að segja vegna slysfara eru skráð á covid.

Vagn, hvað svo sem þú annars heitir, þá finnst mér þú fara fram af miklu offorsi, þetta sem þú gerir hér kallast hótun og það af versta tagi. Þú ættir að biðjast fyrirgefningar á framferði þínu og láta af svona löguðu. Það er ekkert að því að fá að vita hver þú ert þar sem þú kemur fram undir hálfgerðu dulnefni. Kannski heitur þú Vagn, en það er allt og sumt sem vitað er um þig. Þeir sem koma ekki fram undir réttu nafni er lítið hægt að taka mark á. Þeir sem þora ekki að koma fram undir nafni ættu ekki að vera að tjá sig á vettvangi sem þessum.

[Vagn (IP-tala skráð) 27.8.2020 kl. 17:57]

Áreiðanlegar heimildir sem miða upplýsingagjöf við ágiskanir og ósannindi frekar en opinberar tölur og sannreyndar eru ekki áreiðanlegar heimildir.

Það er ekki hótun að benda fólki á augljósar hættur. Þess eru mörg dæmi að upplýsingar sem fólk setur í hugsunarleysi á netið séu misnotaðar.

En ég get verið sammála Tómasi að þeir sem leita eftir staðfestum upplýsingum og huga að öryggi sínu og sinna hafa ekkert að sækja á svona síður. Og ósammála honum að 2+2 séu aðeins 4 ef það er sagt undir fullu nafni.

[Sylvía , 27.8.2020 kl. 18:32]

Vagn, ég vill ekki fleiri komment frá þér, þú ert með ógeðfeldan talanda.

[Vagn (IP-tala skráð) 27.8.2020 kl. 19:42]

Þá legg ég til að þú breytir stillingum þannig að aðeins þeir sem þér eru þóknanlegir geti kommentað. Þú ert ekki fyrsti bloggarinn sem þolir enga gagnrýni og verður örugglega ekki sá síðasti.

[Þorsteinn Siglaugsson, 28.8.2020 kl. 15:23]

0,11% af jarðarbúum dáið úr kórónaveirunni? Þvílík þvæla. Það eru 0,001%, eða einn af hverjum hundrað þúsund. Jarðarbúar eru nefnilega 6,7 milljarðar, ekki 670 milljónir. Samtals ríflega 800.000 manns. Á hverju ári deyja 60 milljón manns í heiminum. Covid er varla einu sinni hnökri á kúrfunni. Á því hálfa ári sem þetta hefur verið í gangi eru látnir úr því tæplega 3% þeirra sem létust í heildina á tímabilinu. Ekki beint veigamikið þegar litið er á afleiðingarnar af allri vitleysunni sem hefur verið í gangi. SÞ spá því að 9 milljón manns látist beinlínis út af útgöngu- og ferðabönnum vegna þessarar pestar. Það er tífaldur sá fjöldi sem hefur látist úr pestinni. Bara það.

[Vagn (IP-tala skráð) 30.8.2020 kl. 00:50]

Ef Tómas Ibsen, sem Þorsteinn sá ekki ástæðu til að rengja, getur sagt 350.000 vera 0,05% þá get ég sagt 822.000 vera 0,11%. Það rétta er að við Tómas slepptum óvart einu núlli hvor en Þorsteinn var ekkert skárri með því að setja eitt auka núll hjá sér. Jarðarbúar eru nefnilega 6,7 milljarðar, ekki 670 milljónir og heldur ekki 67 milljarðar.

Leiðrétt; Á ári hverju deyja um 350.000 plús/mínus úr flensu, það er um 0,005% af heildaríbúafjölda jarðarinnar. í dag hafa um 822.000 dáið úr covid þrátt fyrir miklar varnir, það er um 0,011% af heildaríbúafjölda jarðarinnar, og árið langt frá því að vera liðið.