fréttir dagsins...

Gistinóttum í nóvember fjölgaði um 23%

Gistinóttum á hótelum í nóvember sl. fjölgaði um 23% milli ára, samkvæmt upplýsingum frá Hagstofunni. Gistinóttum fjölgaði í öllum landshlutum nema á Suðurlandi þar sem þeim fækkaði um 20%. Aukningin var hlutfallslega mest á Austurlandi þar sem gistinóttum fjölgaði um 45%. Fyrstu ellefu mánuðum ársins 2006 fjölgaði gistinóttum um 12% frá fyrra ári.

 

 

 

 

Engey RE seld til dótturfélags HB Granda í Hollandi

HB Grandi hf. mun stofna dótturfyrirtækið Atlantic Pelagic B.V. í Hollandi og mun nýja dótturfélagið kaupa uppsjávarfrystiskipið Engey RE-1, stærsta skip íslenska fiskveiðiflotans, af HB Granda og gera skipið út til veiða á makríl, hrossamakríl, sardínu og sardínellu úti fyrir ströndum Afríku. Allri áhöfn Engeyjar verður sagt upp og mun ný áhöfn verða ráðin í Hollandi. Lykilstöður verða mannaðar Íslendingum. 

 

Suðlæg átt og skúrir

Veðurstofa Íslands spáir í dag suðlægri átt og skúrum, en léttir til norðaustan- og austanlands. Vaxandi suðvestanátt um landið sunnanvert síðdegis, 8-15 m/s í kvöld og nótt. Hiti 0 til 6 stig, en í kringum frostmark fyrir norðan.

 

- í framhaldi af staðalímyndarsíðu feminista.

Gistinóttum í nóvember fjölgaði um 23%