Hjálpum þeim - og okkur sjálfum í leiðinni

Sælla er að gefa en þiggja. Sjálf fengum við íslendingar okkar skolpræsi fyrir réttum 100 árum og þá voru það útlendingar sem hjálpuðu okkur með það, nunnurnar.

Af vef Landspítalans: 

Landakotsspítali á sér langa og merka sögu. Árið 1896 komu fjórar St. Jósefssystur til Íslands til að sinna sjúkum. St. Jósefsspítali var síðan byggður 1902 m.a. fyrir fé sem safnast hafði í Frakklandi að frumkvæði Jóns Sveinssonar (Nonna). Spítalinn var formlega tekinn í notkun 16. október 1902. Í upphafi voru 40 sjúkrarúm í elstu byggingunni en hún stendur ekki lengur.

Af vef Orkuveitunnar:

1902 Fyrsta holræsið lagt í Reykjavík, frá Landakotsspítala um Ægisgötu til sjávar. Það markaði þáttaskil í umhverfismálum höfuðstaðarins því áður hafði skolp runnið um bæjarlandið í opnum skurðum. Ári síðar var fyrsta íbúðarhús bæjarins tengt sama skolpræsi, Vesturgata 27.

1913 Fyrsta safnræsi höfuðstaðarins varð að veruleika þegar Lækurinn, sem gárungar kölluðu „Fúlalæk“, var settur í stokk. Hann var þá orðinn stærsta opna skolpræsi höfuðstaðarins því mörg holræsi úr miðbænum lágu í Tjörnina eða Lækinn.

Við skulum því ekki setja okkur á neitt of háan hest í þessum efnum.

Eins með því að sýna samúð þá ræktum við mannlega þáttinn í okkur.

Jólasöfnun Hjálparstarfs kirkjunnar hefst í dag