að vinna úr hlutum

Þar sem námið snýst mikið um sorg og sorgarviðbrögð horfðum við á Sacred Stories, þar sem James Carroll(rithöfundur), Frederick Buechner(prestur og rithöfundur) og Maya Angelou töluðu. 

Buechner sagði frá því hvernig hann vann úr sjálfsmorði föður síns, sem tók líf sitt þegar Buechner var barn og fylgdi því mikil skömm og sorg.

Þegar Buechner er um fimmtugt er hann hjá þerapista sem ráðleggur honum að skrifa samtal milli sín sem barns og föður síns til að fá að vita af hverju pabbinn gerði þetta og fá tækifæri til að segja honum hvernig honum leið. Og hann á að skrifa samtalið með vinstri hendinni, þeirri sem hann notar ekki til skrifta. Með því móti virkjar hann aðrar stöðvar einhvernveginn og verður meira barn. Buechner segir frá þessari aðferð og er það mjög magnað samtalið sem varð til á milli hins löngu látna föður og barnsins sem þurfti að glíma við áfallið allt lífið. Og með þessu nær hann að fá closure.