Vændiskaup

Gott innlegg hjá sr.Þorvaldir Víðissyni miðborgarpresti.

Vændiskaup eru ofbeldi ekki viðskipti

LÖGREGLUMÁL "Kaup á vændi eru ofbeldi en ekki viðskipti," segir séra Þorvaldur Víðisson miðborgarprestur vegna fréttar Fréttablaðsins um að tvær liðlega tvítugar stúlkur frá Póllandi hafi verið hér á einhvers vegum til að stunda vændi.

Þorvaldur segir sjaldan rætt um þá sem eru að sækja svokallaða súlustaði eða kaupa sér vændi.

"Ég hef nokkrar áhyggjur af kynbræðrum mínum," segir hann. "Það er áhyggjuefni að það skuli vera til staðar eftirspurn eftir hlutum af þessu tagi. Karlmenn gera sér ef til vill ekki grein fyrir því hversu mikið siðleysi það er að kaupa sér aðgang að líkama kvenna og stuðla þannig að þessari fornu tegund ofbeldis. Þarna er til staðar mikill valdamunur sem á ekkert skylt við karlmennsku og kynlíf. Þetta er óeðlilegt í alla staði."

Þorvaldur bendir á að gott innlegg sé að foreldrar, ráðgjafar, kennarar og fleiri fræði unga karlmenn rækilega um hina siðferðilegu hlið kaupa á vændi.

Þessi mál læðist með þögninni um í samfélaginu, hvort sem um sé að ræða þá starfsemi sem fram fer á súlustöðum eða sölu vændis.- jss

- Fréttablaðið í dag.

Athugasemdir

[Jón Valur Jensson, 2.10.2006 kl. 23:37]

Ég er alveg sammála þér, Sylvía, að hér lagði miðborgarprestur gott til málanna, og hef ég þegar tjáð honum þakkir mínar á þessari vefsíðu með fréttinni á Vísir.is og bætt þar við frekari hvatningu og ábendingum vegna vændisfrumvarpsins sem vofir yfir Alþingi. -- Þakka þér líka að halda þessarfi umræðu vakandi -- en nú fer bara að líða að því, að menn verði að mynda samtök um að láta virkilega í sér heyra til að koma í veg fyrir þá forsmán, að skorður við "frjálsu" vændi verði afnumdar. Kjósum ekki vændispostulana í prófkjörum á næstunni né í kosningunum að vori !

[SM, 3.10.2006 kl. 09:56]

heyr, heyr!