Gullkorn barna

var að skoða vefi leikskóla og sá þessi gullkorn:

Talið barst að einni stúlku í bekknum sem er nett og fíngerð.  Einn spyr:  Er hún dvergur? Annar svarar: Nei, því að þá væri hún með skegg!  

Mamma mín er ófrísk en samt er pabbi ekki heima.  Hann er út á sjó.   Kom í umræðum um hvernig börnin verða til.  

Ég fékk enga kartöflu! Viltu fá mína (spyr einn kennarinn)? Nei, borðaðu hana bara en þú skalt líka spyrja Siggu M því hún er svo gráðug! 

Snorri (4 ára) var eitthvað slæmur í maganum og þegar hann kom af klósettinu sagði hann: „Ég kem örugglega ekki á morgun, ég er nefninlega með yfirgang".

Einn 5 ára segir við kennarann:  "Ég er með varalit"
Hún svarar:  "Já, ertu með varalit?"
"Nei", leiðréttir drengurinn, "ég er ekki með varalalit heldur vara-lit!"
(og átti þá við trélit sem hann var búinn að stinga bak við eyrað - svona til vara!) 

fleiri hér.