bungandi buxur

gleymi ekki sjúkrahússögu sem ég las þar sem þetta gullkorn kom við sögu.

Nýliði vann slæmu kynlífslýsingaverðlaunin

Níðstöng

Í sögu Egils Skalla-Grímssonar er frá því greint, að Egill reisti níðstöng í Noregi til þess að rugla landvættir í ríminu og koma þeim til þess að hrekja Eirík konung blóðöx og Gunnhildi drottningu frá völdum í Noregi, en þau höfðu brotið rétt á Agli. Í sögunni stendur svo:

… gekk Egill upp í eyna. Hann tók í hönd sér heslistöng og gekk á bergsnös nokkra, þá er vissi til lands inn; þá tók hann hrosshöfuð og setti upp á stöngina. Síðan veitti hann formála og mælti svo: „Hér set eg upp níðstöng, og sný eg þessu níði á hönd Eiríki konungi og Gunnhildi drottningu,“ - hann sneri hrosshöfðinu inn á land, – „sný eg þessu níði á landvættir þær, er land þetta byggva, svo að allar fari þær villar vega, engin hendi né hitti sitt inni, fyrr en þær reka Eirík konung og Gunnhildi úr landi.“ Síðan skýtur hann stönginni niður í bjargrifu og lét þar standa; hann sneri og höfðinu inn á land, en hann reist rúnar á stönginni, og segja þær formála þennan allan. Eftir það gekk Egill á skip.

Egill sigldi til Íslands, en Eiríkur og Gunnhildur hrökkluðust frá völdum.

héðan.

Borgarbókasafnið

úff fór áðan á bókasafnið nema hvað við afgreiðsluborðið er mér tilkynnt að kortið mitt sé útrunnið, ok ég spyr hvað nýtt kosti og eru það 1200 kr. f.árið. Svo réttir bókavörðurinn mér spjald til að fylla út allar helstu upplýsingar um mig. Ég spyr hvort þessar upplýsingar séu ekki allar í tölvunni hjá henni, jú svo er en ég þarf samt að fylla allt út aftur.

Þetta er maður látinn gera á hverju ári. Hvað er málið, hvernig væri árið 2006 að við hverja endurnýjun væri bara þrýst á takka á tölvunni og búið. Til hvers að fylla út nýtt blað árlega? Og afhverju að endurnýja árlega, afhverju er ekki bara hægt að fá ævikort eða 10 ára kort? Þetta er ansi hvimleitt og gamaldags. Er að hugsa um að endurnýja ekki kortið þarna.

 svona rugl minnir mann á þetta. 

íslensk-katalónsk orðabók

Hitti mann í Katalóníu sem uppá sitt einsdæmi hefur verið að útbúa íslensk-katalónska orðabók, að gamni held ég... Hann hefur aldrei komið til landsins en veit ýmislegt um land og þjóð. Hann er þýsku kennari í Háskóla þarna úti. Gluggaði aðeins í það sem komið er og sum orð voru svolítið skondin, t.d.: ,,leynisamsæri" og ,,lesbískur".  Hmm tæknilega rétt orð en ekki notuð.

Fyrir þá sem ekki vita þá er Katalónska sér mál, líkt spænsku.

,,Katalónska er töluð á stóru svæði á austur Spáni, um það bil 10 milljonir manna tala katalónsku. Á milli 10 og 11 öld var tungumálið orðið fullmótað. Katalónska birtist fyrst í rituðu máli á seinni hluta 12. aldar, þá í ýmsum skjölum þar á meðal, lagalegum, fjárhagslegum, trúarlegum og sögulegum. Katalónska er tungumál með mikla sögu. Á meðan borgarastyrjöldin stóð þá var katalónska bönnuð meðal almennings en var töluð inn á heimilum.

Í Barcelona eru katalónska og spænksa opinber tungumál. Flest öll skilti á verslunum, veitingastöðum, börum og öðrum stöðum eru á báðum tungumálnum." 

héðan   Fáni katalóna.

Katalónar vilja sjálfstæði frá Spáni og þessi orðabókagerð er eflaust til að styðja það líkt og Fjölnismenn gerðu forðum.

Heimasíða þessa manns, sem heitir Macia.Riutort.

Lesning þessa dagana

Er að lesa m.a. Rokland eftir Hallgrím Helgason. Ansi fín lesning, gaman líka að staðsetningunni, Króknum, sem maður þekkir of vel...

sjá heimasíðu Bödda hér.

Ég hef séð inn í stofur landsins og ég hef séð inn í sálir landans. Glansandi gólf úr niðurslípuðum skógi og sófar fullir af uppblásnum airbags. Kjötharðir ávextir í skálinni. En sálin lítil og hörð, eins og gallsteinn.

Í vellíðuninni er vanlíðanin falin.

Innifalin.

Of mikil velsæld skapar vesæld.

Ég hef séð inn í stofur allsnægtanna þar sem allt er til alls og ekkert er til neins. Þar sem rúsínur og möndlur bíða í röðum við hvern fingur og goslaust gos í glösum bíður munns. Og á miðju gólfi stendur sjónvarpstækið, drekkhlaðið af konfekti fyrir augun.

"Einstaklingurinn hefur alltaf þurft að berjast gegn hóruskap hjarðarinnar.
Sá sem það reynir mun mæta ótta og einmanakennd. En ekkert jafnast á við það að eiga sjálfan sig."
- Friedrich Nietzsche.

Charles Dickens

er að lesa Great Expectations eftir hann og þar er þessi fína lýsing á áti, 3.kafli:

"I had often watched a large dog of ours eating his food; and I now
noticed a decided similarity between the dog's way of eating, and
the man's.  The man took strong sharp sudden bites, just like the
dog.  He swallowed, or rather snapped up, every mouthful, too soon
and too fast; and he looked sideways here and there while he ate,
as if he thought there was danger in every direction, of somebody's
coming to take the pie away.(...) In all of which particulars he was very like the dog."

Maður kannast við þetta hjá sumum. 

Sólskinshestur

Var að klára bókina Sólskinshestur eftir Steinunni Sigurðar, las hana í einum rikk einsog allar bækur eftir hana. Mjög góð.